LPG Cylinder Price | కేంద్ర ఆర్థిక మంత్రి నిర్మలా సీతారామన్ కీలక ప్రకటన చేశారు. పెట్రోల్, డీజిల్, గ్యాస్ వంటి పెట్రోలియం ప్రొడక్టులపై కీలక వ్యాఖ్యలు చేశారు.
PETROLEUM PRODUCTS CAN BE BROUGHT UNDER GST ONCE STATES AGREE FM NIRMALA SITHARAMAN
Petrol Diesel Rates | పెట్రోల్ ధరలు ఇంకా పైస్థాయిల్లోనే కదలాడుతూ వస్తున్నాయి. డీజిల్ రేటు పరిస్థితి కూడా ఇంతే. అలాగే ఎల్పీజీ గ్యాస్ సిలిండర్ ధరలు కూడా ఇదే దారిలో ఉన్నాయి. సామాన్యులకు చుక్కలు చూపిస్తున్నాయి. అయితే కేంద్ర ఆర్థిక మంత్రి నిర్మలా సీతారామన్ పెట్రోలియం ప్రొడక్టులకు సంబంధించి కీలక వ్యాఖ్యలు చేశారు.
పెట్రోల్, డీజిల్, ఎల్పీజీ గ్యాస్ వంటి వాటిని జీఎస్టీ పరిధిలోకి తీసురావాలని చాలా కాలం నుంచి డిమాండ్ కొనసాగుతూ వస్తోంది. అయితే ఇప్పుడు నిర్మలా సీతారామన్ ఈ అంశంపై స్పందించారు. కీలక వ్యాఖ్యలు చేశారు.
పెట్రోలియం ప్రొడక్టులను వస్తు సేవల పన్ను (జీఎస్టీ) పరిధిలోకి తీసుకురావొచ్చని తెలిపారు. అయితే దీనికి కౌన్సిల్ సభ్యుల నుంచి అనుమతి కావాల్సి ఉందన్నారు. వీరి నుంచి అంగీకారం లభిస్తేనే. ముందుకు వెళ్లగలమని తెలిపారు.
జీఎస్టీ కిందకు పెట్రోల్, డీజిల్, గ్యాస్ వంటి పెట్రోలియం ప్రొడక్టులకు తీసుకురావడానికి ముందు నుంచే ప్రతిపాదన ఉందని నిర్మలా సీతారామన్ తెలిపారు. అయితే దీనికి రాష్ట్రాలు అంగీకరించాల్సి ఉందని పేర్కొన్నారు.
తాము ఒక్కరమే చేడానికి ఏమీ లేదని, జీఎస్టీ కౌన్సిల్ మొత్తం అంగీకరిస్తేనే. ఇది సాధ్యం అవుతుందని, ఇందులో రాష్ట్రాల అంగీకారం తప్పనిసరి అని నిర్మలా సీతారామన్ వెల్లడించారు. అంటే తమ పరిధిలో ఏమీ లేదని ఆర్థిక మంత్రి స్పష్టం చేశారని చెప్పుకోవచ్చు.
పీహెచ్డీ చాంబర్ ఆఫ్ కామర్స్ అండ్ ఇండస్ట్రీ (పీహెచ్డీసీసీఐ)తో జరిగిన బడ్జెట్ ఇంటరాకిటివ్ సెషన్లో నిర్మలా సీతారామన్ ఈ మేరకు వ్యాఖ్యలు చేశారు. కాగా 49వ జీఎస్టీ కౌన్సిల్ సమావేశం ఫిబ్రవరి 18న జరగనుంది. ఈ సమావేశం ముందు నిర్మలా సీతారామ్ ఈ వ్యాఖ్యలు చేయడం ప్రాధాన్యం సంతరించుకుంది.
కాగా మరోవైపు దేశంలో పెట్రోల్, డీజిల్ ధరలు చాలా నెలల నుంచి స్థిరంగా ఉంటూ వస్తున్నాయి. గరిష్ట స్థాయిలోనే రేట్లు కొనసాగుతున్నాయి. అయితే ప్రభుత్వం ఫ్యూయెల్ రేట్లను తగ్గించే ఛాన్స్ ఉందని నివేదికలు వెలువడుతున్నాయి.
ద్రవ్యోల్బణాన్ని అదుపులోకి తీసుకువచ్చేందుకు రిజర్వు బ్యాంక్ ఆప్ ఇండియా (ఆర్బీఐ)కు దోహదపడేందుకు కేంద్రం పెట్రోల్, డీజిలపై ట్యాక్స్ తగ్గించే అవకాశం ఉందని మీడియా నివేదికలు పేర్కొంటున్నాయి. ఇదే జరిగితే చాలా మందికి ఊరట కలుగుతుందని చెప్పుకోవచ్చు.
జనవరి నెలలో రిటైల్ ద్రవ్యోల్బణం మళ్లీ పైకి కదలడంతో భారత ప్రభుత్వం పెట్రోల్, డీజిల్ సహా పలు ఇతర ప్రొడక్టులపై కూడా ట్యాక్స్లను తగ్గించే ఛాన్స్ ఉందని తెలుస్తోంది. ఇదే జరిగితే సామాన్యులకు ఊరట కలుగుతుందని చెప్పుకోవచ్చు.
Leave a Reply