తాజాగా పెళ్లిళ్ల సీజన్ రావడంతో డిమాండ్ దృష్ట్యా.. 10 శాతం రాయితీ కల్పించాలని క్షేత్రస్థాయి అధికారులు సూచన చేశారు. ఈ మేరకు ఆ రాయితీని సంస్థ ప్రకటించింది. ముందస్తుగా ఎలాంటి నగదు డిపాజిట్ లేకుండానే ఈ సదుపాయాన్ని కల్పిస్తున్నామని వివరించారు.
TSRTC Announces 10 Percent Discount On Buses On Hire Marriage Functions
తెలుగు రాష్ట్రాల్లో ప్రస్తుతం పెళ్లిళ్ల సీజన్ నడుస్తోంది. ఎక్కడ చూసినా పెళ్లి సందడే కనిపిస్తోంది. అయితే ఇప్పుడు పెళ్లిళ్ల చేసుకునే వారి కోసం… తెలంగాణ ప్రభుత్వం గుడ్ న్యూస్ చెప్పింది. పెళ్లిళ్ల సీజన్ను పురస్కరించుకుని తెలంగాణ రాష్ట్ర రోడ్డు రవాణా సంస్థ (టీఎస్ఆర్టీసీ) ప్రత్యేక తగ్గింపును అందజేస్తున్నట్లు శుక్రవారం ప్రకటించింది. జూన్ 30 వరకు అద్దె బస్సులపై 10 శాతం రాయితీ కల్పిస్తామని ఆర్టీసీ తెలిపింది
కార్తీక మాసం, వనభోజనాలు, శబరిమల అయ్యప్ప దర్శనం సందర్భంగా అద్దె బస్సులకు రాయితీని గతంలో ఆర్టీసీ సంస్థ కల్పించింది.తాజాగా తెలంగాణలో పెళ్లిళ్ల సీజన్ నేపథ్యంలో కీలక నిర్ణయం తీసుకుంది. ఈ మేరకు TSRTC ట్వీట్ చేసింది, “#TSRTC పెళ్లిళ్ల సీజన్ సందర్భంలో కీలక నిర్ణయం తీసుకుంది. బస్సు అద్దెపై ప్రత్యేక తగ్గింపును అందజేస్తున్నారు. అన్ని రకాల బస్సు సర్వీసులపై 10 శాతం తగ్గింపు. అద్దె బస్సులపై ఈ ఏడాది జూన్ 30 వరకు 10 శాతం తగ్గింపు అమలులో ఉంటుంది.
గత ఏడాది డిసెంబర్ 31తో ఆ రాయితీ గడువు ముగిసింది. తాజాగా పెళ్లిళ్ల సీజన్ రావడంతో డిమాండ్ దృష్ట్యా.. 10 శాతం రాయితీ కల్పించాలని క్షేత్రస్థాయి అధికారులు సూచన చేశారు. ఈ మేరకు ఆ రాయితీని సంస్థ ప్రకటించింది. శుభకార్యాల సమయంలో ప్రజలు ఇబ్బందులు పడొద్దనే అద్దె బస్సులపై 10 శాతం రాయితీ కల్పించినట్లు టీఎస్ఆర్టీసీ చైర్మన్, ఎమ్మెల్యే బాజిరెడ్డి గోవర్దన్, ఎండీ వీసీ సజ్జనర్ తెలిపారు.
ప్రైవేట్ వాహనాల కన్నా చాలా తక్కువ ధరకే తమ సంస్థ బస్సులను అద్దెకు ఇస్తోందని వారు పేర్కొన్నారు. ముందస్తుగా ఎలాంటి నగదు డిపాజిట్ లేకుండానే ఈ సదుపాయాన్ని కల్పిస్తున్నామని వివరించారు. మరిన్ని వివరాల కోసం, ప్రయాణీకులు 040- 69440000 లేదా 040- 23450033 నంబర్లను సంప్రదించవచ్చు. TSRTC వెబ్సైట్లో టిక్కెట్లను ముందుగానే బుక్ చేసుకోవచ్చు . అద్దె బస్సుల బుకింగ్ కోసం తమ అధికారిక వెబ్సైట్ www.tsrtconline.in ను సందర్శించాలని సూచించారు.
అద్దెకు ఇలా..
అప్ అండ్ డౌన్ కలిపి గరిష్టంగా 200 కి.మీ. దూరం ఉంటే పికప్ అండ్ డ్రాప్ పద్ధతిలో బస్సులు కేటాయిస్తున్నారు. ఇందుకు కేవలం పల్లెవెలుగు, ఎక్స్ప్రెస్ బస్సులు మాత్రమే అందుబాటులో ఉంటాయి. వెళ్లాల్సిన ప్రాంతానికి ఉన్న బస్సు చార్జీకి 50 శాతం అదనంగా వసూలు (అన్ని సీట్లకు) చేస్తారు. వెళ్లి రావడం, డ్రాప్ మాత్రమే చేసి రావటం, పికప్ చేసుకోవటం.. ఇలా మూడు పద్ధతులకు ఈ బస్సులు అందుబాటులో ఉంటాయి. ప్రయాణించిన దూరం ఆధారంగా ఛార్జీ వసూలు చేస్తారు.
100 కి.మీ. దూరం దాటి వెళ్లాల్సి వస్తే.. పల్లె వెలుగు బస్సుల్లో మాత్రం నిర్ధారిత గమ్యానికి ఉన్న బస్సు చార్జీపై 10 శాతం మొత్తాన్ని అదనంగా వసూలు చేస్తారు. ఎక్స్ప్రెస్, డీలక్స్, సూపర్లగ్జరీ, రాజధాని, గరుడ బస్సులకు మాత్రం ఆ దూరానికి ఉన్న బస్సు చార్జీకి సమాన మొత్తాన్నే (అన్ని సీట్లకు) వసూలు చేస్తారు. నిర్ధారిత సమయాన్ని మించి బస్సు ఉండాల్సి వస్తే, ప్రతి గంటకు (దూరంతో సంబంధం లేకుండా) రూ.300 చొప్పున, ఏసీ బస్సులకు రూ.400 చొప్పున వెయిటింగ్ రుసుము వసూలు చేస్తారు.
ప్రైవేటు బస్సుల కంటే తక్కువ చార్జీ..
ఆయా ప్రాంతాలకు వెళ్లే ఆర్టీసీ బస్సుల్లో ఉండే టికెట్ చార్జీ ఆధారంగా ఈ పెళ్లి బస్సుల రుసుములను ఆర్టీసీ వసూలు చేస్తోంది. ఈ మొత్తం ప్రైవేటు బస్సుల చార్జీ కంటే తక్కువగా ఉంటోంది. డిమాండ్ అంతగా లేని సమయంలో ప్రైవేటు బస్సులు చార్జీ తగ్గించి ఇస్తున్నాయి. డిమాండ్ ఎక్కువగా ఉన్న సమయంలో ప్రైవేటు బస్సు చార్జీలు ఆర్టీసీ చార్జీలను మించి ఉంటున్నాయి. ఆర్టీసీ ఎప్పుడూ నిర్ధారిత మొత్తాన్ని మాత్రమే వసూలు చేస్తోంది.
పై అంశానికి సంబంధించి ఏవైనా సందేహాలు ఉంటే దయచేసి క్రింద ఉన్న కామెంట్ బాక్స్ ద్వారా మాకు తెలియజేయండి.
Leave a Reply